ترے روئے زیبا سے وحشت نہیں

ترے روئے زیبا سے وحشت نہیں
بیاباں‌ نوردی کی طاقت نہیں

تجھے زندگی کہتے ڈرتا ہوں میں
مجھے زندگی سے محبت نہیں

کبھی سنگ باری گماں میں نہ تھی
اور اب سر کھجانے کی فرصت نہیں

خدایا اگر سن رہا ہے تو سن
بہت ہو گیا اور ہمت نہیں

گزر جائے گی تیرے بن بھی میاں
مجھے تو اب اپنی بھی عادت نہیں

مجھے دے تو دانستہ تکلیف دے
تکلف کی ورنہ ضرورت نہیں

شکایت کسی کو یہ ہم سے رہی
کسی سے بھی ہم کو شکایت نہیں

مرا نام راحیلؔ پہلے بھی تھا
وہی رہ گذر وجہِ شہرت نہیں

راحیلؔ فاروق

راحیلؔ فاروق

راحیلؔ فاروق پاکستانی پنجاب سے تعلق رکھنے والے اردو شاعر ہیں۔

فہرستِ کلام
یہ کلام اپنے دوست احباب سے شریک کیجیے
Share on facebook
Share on twitter
Share on whatsapp
Share on telegram
Share on email
لطفِ سخن کچھ اس سے زیادہ

”ترے روئے زیبا سے وحشت نہیں“ پر 1 عدد تبصرہ

آپ کیا فرماتے ہیں بیچ اس مراسلے کے؟