جہاں ہو کوڑیوں کے مول نیکی
ضرورت ہی نہیں سچ بولنے کی
سنبھلنے دو سنبھلنا سیکھنے دو
ہمیں عادت نہ ڈالو ڈولنے کی
تمھارے آنسوؤں پر لکھ دیے شعر
بڑی خواہش تھی موتی رولنے کی
درختوں کو قلم کر لیں تو سوچیں
سمندر میں سیاہی گھولنے کی
جھکی آنکھوں پہ جھک آتا ہے پلڑا
عجب شہرت ہے اس کے تولنے کی
ہمارا نامۂ اعمال راحیلؔ
کسی کو کیا پڑی ہے کھولنے کی
پنجاب (پاکستان) سے تعلق رکھنے والے اردو شاعر۔
راحیلؔ فاروق کی شاعری۔ غزلیات، رباعیات، آزاد، معریٰ اور پابند نظمیں، دوہے، قطعات۔۔۔ سرگشتۂ خمارِ رسوم و قیود!
اردو گاہ کے مندرجات لفظاً یا معناً اکثر کتب، جرائد، مقالات اور مضامین وغیرہ میں بلاحوالہ نقل کیے جاتے ہیں۔ اگر آپ کسی مراسلے کی اصلیت و اولیت کی بابت تردد کا شکار ہیں تو براہِ کرم اس کی تاریخِ اشاعت ملاحظہ فرمائیے۔ توثیق کے لیے web.archive.org سے بھی رجوع لایا جا سکتا ہے۔
