یہ نہیں ہے کہ غم عزیز نہیں

اردو شاعری

یہ نہیں ہے کہ غم عزیز نہیں
مجھے دل بھی تو کم عزیز نہیں

ٹوٹتے ہیں تو ٹوٹ جائیں پاؤں
منزلوں سے قدم عزیز نہیں

آپ اپنا بچاؤ کر لیجے
دل کو دل کا بھرم عزیز نہیں

مرگِ الفت کا خوف ہے ورنہ
جاں خدا کی قسم عزیز نہیں

حسن والوں کا پاس ہے راحیلؔ
ورنہ ہم کو ستم عزیز نہیں

راحیلؔ فاروق

پنجاب (پاکستان) سے تعلق رکھنے والے اردو شاعر۔

یہ کلام اپنے دوست احباب سے شریک کیجیے
Share on facebook
Share on twitter
Share on pinterest
Share on reddit
Share on linkedin
Share on whatsapp
Share on telegram
Share on email
لطفِ سخن کچھ اس سے زیادہ

ہم روایت شکن روایت ساز

پر

خوش آمدید!

باتیں ہماری یاد رہیں گی۔۔۔

تنبیہ