زار

اردو شاعری کی ایک کتاب جس پر شاعر کو نہ فخر ہے نہ شرمندگی۔ شرمندگی اس لیے نہیں کہ مصنف نے اس کتاب میں شاید ایک بھی جھوٹ نہیں بولا اور فخر یوں نہیں کہ یہ سچائیاں کسی کے کام کی ثابت نہ ہو سکیں۔

زار کی تقریباً تمام غزلیات شاعر کے اس دورِ حیات سے یادگار ہیں جس پر قنوطیت، کلبیت اور لامذہبیت کے گھٹاٹوپ اندھیرے چھائے ہوئے تھے۔ اب تو صبحِ کاذب کے آثار ہویدا ہوئے بھی دیر ہو چکی۔

راحیلؔ فاروق کا یہ پہلا اور (تاحال) آخری مجموعۂِ کلام ۲۰۱۰ء میں طبع ہوا۔ اس میں ایک فارسی غزل بیادِ خالد فاروق (قبلہ گاہِ مصنف) اور ساٹھ اردو غزلیں شامل ہیں۔