عالم تمام شے ہے مگر تجھ سی شے کہاں

اردو شاعری

عالم تمام شے ہے مگر تجھ سی شے کہاں
ہے اور کچھ پتا نہیں چلتا کہ ہے کہاں

پیاسا ہے پارساؤں کی بستی میں ہر کوئی
کوئی بہشت ڈھونڈیے دوزخ میں مے کہاں

ہم اٹھ کے اس کی بزم سے جانے کہاں گئے
ہم سے کسی نے یہ بھی نہ پوچھا کہ اے کہاں

گرتے ہیں ٹوٹ ٹوٹ کے تارے شبِ فراق
اونچی ہوئی تو جائے گی نالوں کی لے کہاں

مٹی پلید ہو گئی پھر مےکدے کی آج
کوئی بتاؤ شیخ کو کرتے ہیں قے کہاں

اے میرِ کاروانِ وفا دھیرے دھیرے چل
ان منزلوں کے راستے ہوتے ہیں طے کہاں

ہر کوئی چل رہا ہے کوئی پوچھتا نہیں
جو پہلے ہم سفر تھے گئے پے بہ پے کہاں

راحیلؔ دل کی آہ کے جو جو مقام ہیں
وہ قسمتِ رباب و دف و چنگ و نے کہاں

راحیلؔ فاروق

پنجاب (پاکستان) سے تعلق رکھنے والے اردو شاعر۔

یہ کلام اپنے دوست احباب سے شریک کیجیے
Share on facebook
Share on twitter
Share on pinterest
Share on reddit
Share on linkedin
Share on whatsapp
Share on telegram
Share on email
لطفِ سخن کچھ اس سے زیادہ

ہم روایت شکن روایت ساز

پر

خوش آمدید!

باتیں ہماری یاد رہیں گی۔۔۔

تنبیہ