میں کہاں ہوں کوئی بتلاؤ مجھے

12 مارچ 2017 ء

میں کہاں ہوں کوئی بتلاؤ مجھے
کھو گیا ہوں کوئی لے آؤ مجھے

کچھ بھی معلوم نہیں ہے کب سے
خبر اپنی کبھی دے جاؤ مجھے

میں بھی دیوانہ نہیں تھا آخر
کاش سمجھو تو نہ سمجھاؤ مجھے

مرحمت عشق ہوا ہجر ہوا
اب عطا صبر بھی فرماؤ مجھے

میں نہیں چشمِ سیہ ہے مخمور
ہوش ہے ہوش میں مت لاؤ مجھے

میں ہوں آئینہ تمھارے غم کا
دیکھنا دیکھ اگر پاؤ مجھے

عشق کچھ کھیل نہ نکلا راحیلؔ
پڑ گئے الٹے مرے داؤ مجھے

راحیلؔ فاروق

پنجاب (پاکستان) سے تعلق رکھنے والے اردو شاعر۔

یہ کلام اپنے دوست احباب سے شریک کیجیے
Share on facebook
Share on twitter
Share on pinterest
Share on reddit
Share on linkedin
Share on whatsapp
Share on telegram
Share on email
لطفِ سخن کچھ اس سے زیادہ

خوش آمدید۔ آپ کی یہاں موجودگی کا مطلب ہے کہ آپ کو اردو گاہ کے جملہ قواعد و ضوابط سے اتفاق ہے۔ تشریف آوری کا شکریہ!