وہ جیا خاک جیا جو نہ جیا آپ کے ساتھ

28 جولائی 2018 ء

وہ جیا خاک جیا جو نہ جیا آپ کے ساتھ
زندگی آپ ہیں جینے کا مزا آپ کے ساتھ

ہم نبھا ہی گئے وہ عہدِ وفا آپ کے ساتھ
نہیں معلوم جو تھا بھی کہ نہ تھا آپ کے ساتھ

میں نے کھویا نہیں کچھ اپنے سوا آپ کے ساتھ
میری عظمت کی قسم ٹھیک ہوا آپ کے ساتھ

آپ کے ساتھ کی پائی ہے سزا آپ کے ساتھ
حشر میں عشق بھی بخشا نہ گیا آپ کے ساتھ

آرزو ہونے کا مذکور ہی کیا جب ہم کو
اپنے ہونے کا بھی دعویٰ نہ رہا آپ کے ساتھ

مارتی ہے تو جِلاتی بھی ہے تاثیرِ وفا
زہر تھی ہجر میں لیکن ہے شفا آپ کے ساتھ

یہ نہیں ہے کہ خدا سے نہیں ڈرتا راحیلؔ
بخدا بھول ہی جاتا ہے خدا آپ کے ساتھ

راحیلؔ فاروق

پنجاب (پاکستان) سے تعلق رکھنے والے اردو شاعر۔

یہ کلام اپنے دوست احباب سے شریک کیجیے
Share on facebook
Share on twitter
Share on pinterest
Share on reddit
Share on linkedin
Share on whatsapp
Share on telegram
Share on email
لطفِ سخن کچھ اس سے زیادہ

خوش آمدید۔ آپ کی یہاں موجودگی کا مطلب ہے کہ آپ کو اردو گاہ کے جملہ قواعد و ضوابط سے اتفاق ہے۔ تشریف آوری کا شکریہ!