تعارف

شاعری کیا ہے؟

شاعری کلام کی وہ صورت ہے جو بول چال سے زیادہ بلیغ ہو اور اس میں آہنگ پایا جائے۔ بول چال سے زیادہ بلیغ ہونے کا مطلب یہ ہے کہ گفتگو میں ہم جو معانی ادا کرتے ہیں وہ کم الفاظ میں زیادہ سے زیادہ بیان ہو جائیں۔ آہنگ سے یہ مقصود ہے کہ شعر میں ایک مترنم اتار چڑھاؤ کی کیفیت پائی جاتی ہے جو کلام کی عام صورتوں میں مفقود ہوتی ہے۔ دوسرے لفظوں میں یہ کہا جا سکتا ہے کہ شاعری الفاظ کا وہ استعمال ہے جس میں ایک طرف معانی کی وسعت ذہن کو تسخیر کرے تو دوسری جانب نغمگی کی تاثیر دل کو جکڑ لے۔ گویا ایک اچھا شعر بشر کے پورے وجود کا تجربہ ہے۔

مذہبی صحائف کی اکثریت شاعری یا اس سے ملتے جلتے اسلوبِ کلام پر مشتمل ہے۔ یہ حقیقت یہ نکتہ ہمارے ذہن نشین کروانے کے لیے کافی ہے کہ دنیا میں کلام کی کوئی صورت شاعری سے زیادہ پرتاثیر نہیں ہو سکتی۔ شاعری عربی الاصل لفظ ہے جس کا مادہ شعر ہے۔ شعر کے معانی پہچان اور شناسائی کے ہیں۔ شعور کا لفظ اسی سے نکلا ہے۔  اس سے مترشح ہوتا ہے کہ شاعری محض تخیلات کی آوارگی اور الفاظ کا جوڑ توڑ نہیں ہے بلکہ ایک ایسے شعور اور وقوف کا ابلاغ ہے جو عام لوگوں میں نہیں پایا جاتا۔ افلاطون نے شاعری کی مذمت کی ہے۔ اسی طرح قرآن بھی شعرا کے بارے میں بالعموم اچھے خیالات نہیں رکھتا۔ تاہم غائر مطالعے سے ہم اس نتیجے پر پہنچتے ہیں کہ شاعری یقیناً تہذیبِ انسانی کے لیے ایک غیرمعمولی اور بےنظیر نعمت ہے بشرطیکہ شاعر کو پیغمبر اور پیغمبر کو شاعر نہ سمجھ لیا جائے۔

اردو شاعری

اردو شاعری کے آغاز کے بارے میں تمام آرا اس سے مشروط ہیں کہ آپ اردو کسے سمجھتے ہیں۔ امیر خسروؔ سے لے کر قلی قطبؔ شاہ تک بہت سے لوگوں کے سروں پر اردو شاعری کے حوالے سے اولیت کے مختلف تاج ناقدین و محققین نے سجا رکھے ہیں۔ ہم سے کوئی پوچھے کہ میاں، تم جو اردو بولتے ہو اس کا پہلا شاعر کون تھا تو ہمارا جواب شاید داغؔ ہو گا۔

فارسی تہذیب اور شاعری کے ہندوستان میں شیوع کے بعد مسلمان اشرافیہ سے توقع نہیں کی جا سکتی تھی کہ ان کا ادب مقامی روایت کو درخورِ اعتنا سمجھے گا۔ نتیجتاً ہماری شاعری کویل کے مدھر گیتوں اور ساون کی مدھ ماتی رتوں کی بجائے گل و بلبل اور فصلِ بہار کے گرد گھومتی ہے۔ اب جب کہ ایسا ہو چکا ہے، بہت سے لوگ تاریخ کے پہیے کو الٹا چلانے کی کوشش کرتے رہتے ہیں۔ ہمارا اس حوالے سے یہ خیال ہے کہ اس روایت میں ان گنت نسلیں گزار چکنے کے بعد اب اہلِ اردو کے اجتماعی ذوق کو انفرادی تحریکوں سے بدلنے کی سعی لاحاصل ہے۔ یہ روایت اب اردو والوں میں مستحکم ہو چکی ہے اور تاریخی و ثقافتی ہر دو لحاظ سے یہی اردو شاعری کی شناخت ہے۔ نیز وہ تمام معانی جو  شاعرانہ مضامین کے کسی اور نظام میں ادا کرنے ممکن ہیں، اس میں بھی ادا کیے جا سکتے ہیں اور کیے گئے ہیں۔

ہرزہ ورزیاں

ذیل میں بندہ راحیلؔ فاروق کے شاعرانہ کلام کا خاکہ مع روابط پیش کیا گیا ہے۔ اردو گاہ پر موجود تمام شاعری کو سادہ طور پر ہیئت اور موضوع کے اعتبار سے تقسیم کیاجا سکتا ہے۔ یہ دونوں درجہ بندیاں ضمنی روابط کے ساتھ ذیل میں درج کر دی گئی ہیں۔ ان سے پہلے موصوف کی شاعری کی مکمل فہرست کا ربط  بھی فراہم کیا گیا ہے۔

اردو شاعری

مرا اثاثہ مری روح کا تلاطم ہے

اردو شاعری

مرا اثاثہ مری روح کا تلاطم ہے
مکمل فہرست

اصنافِ شعر

(بلحاظِ ہیئت)

غزل

ہر مصرع انتخاب ہے ہر شعر لاجواب

غزل

ہر مصرع انتخاب ہے ہر شعر لاجواب
پڑھیے

دوہا

صاحب تیری چاکری اور خدا کا نام

دوہا

صاحب تیری چاکری اور خدا کا نام
پڑھیے

نظمِ معریٰ

کسے فرصت کہ مجھ کو پہچانے

نظمِ معریٰ

کسے فرصت کہ مجھ کو پہچانے
پڑھیے

مثنوی

ہو رہے گا پھر جو پہلے ہو رہا

مثنوی

ہو رہے گا پھر جو پہلے ہو رہا
پڑھیے

رباعی

تم ہو کہ رباعی کو سمجھتے ہی نہیں

رباعی

تم ہو کہ رباعی کو سمجھتے ہی نہیں
پڑھیے

نظم

کس کے شعروں میں کس کی باتیں ہیں

نظم

کس کے شعروں میں کس کی باتیں ہیں
پڑھیے

نظمِ آزاد

شبنم کے امکان سے باہر

نظمِ آزاد

شبنم کے امکان سے باہر
پڑھیے

قطعہ

دیکھیں تو بھلا سوچ کہاں تک ہے تمھاری

قطعہ

دیکھیں تو بھلا سوچ کہاں تک ہے تمھاری
پڑھیے

زمرہ ہائے شعر

(بلحاظِ موضوع)

حمد و نعت

سرمہ لگا حضورؐ کے پیروں کی دھول کا

حمد و نعت

سرمہ لگا حضورؐ کے پیروں کی دھول کا
پڑھیے

مناجات

تو الہٰی حساب مت لیجو

مناجات

تو الہٰی حساب مت لیجو
پڑھیے

مرثیہ

دل والے بہت بار تجھے یاد کریں ہیں

مرثیہ

دل والے بہت بار تجھے یاد کریں ہیں
پڑھیے

ہجو

یہ چوٹ وقت نے خود وقت کے امام پہ کی

ہجو

یہ چوٹ وقت نے خود وقت کے امام پہ کی
پڑھیے

واسوخت

جائیے جائیے مت دیکھیے مڑ کر پیچھے

واسوخت

جائیے جائیے مت دیکھیے مڑ کر پیچھے
پڑھیے

سلام و منقبت

ہوں اولیا کے ساتھ محبانِ اولیا

سلام و منقبت

ہوں اولیا کے ساتھ محبانِ اولیا
پڑھیے

سہرا

سراسر مبارک برابر مبارک​

سہرا

سراسر مبارک برابر مبارک​
پڑھیے

منظوم ترجمہ

کیا تو بھی وہی ہے جو نظر آتا ہے

منظوم ترجمہ

کیا تو بھی وہی ہے جو نظر آتا ہے
پڑھیے

ہزل

بےحجابانہ باحجابانہ

ہزل

بےحجابانہ باحجابانہ
پڑھیے

امروزیہ

زہر سے بھی زہر کا قدرت میں ہوتا ہے علاج

امروزیہ

زہر سے بھی زہر کا قدرت میں ہوتا ہے علاج
پڑھیے
راحیلؔ فاروق

راحیلؔ فاروق

راحیلؔ فاروق پاکستانی پنجاب سے تعلق رکھنے والے اردو شاعر ہیں۔

مکمل فہرستِ کلام
یہ صفحہ اپنے دوست احباب سے شریک کیجیے
Share on facebook
Share on twitter
Share on whatsapp
Share on telegram
Share on email