تکلم پہ لکھوں تبسم پہ لکھوں

اردو شاعری

تکلم پہ لکھوں تبسم پہ لکھوں
کوئی نظم کوئی غزل تم پہ لکھوں

میں لکھوں تمھاری نظر کے قصیدے
دلِ زار کے پھر تلاطم پہ لکھوں

ابھی خشک ہیں لب ابھی مردہ ہے دل
مسیحا جِلائے تو کچھ قُم پہ لکھوں

محبت میں لکھوں تصور کا رتبہ
نمازِ وفا کے تیمم پہ لکھوں

فلک جانتا ہی نہیں نور کیا ہے
ان آنکھوں کو پڑھ لوں تو انجم پہ لکھوں

کوئی آنکھ اٹھے تو پردے اٹھاؤں
کوئی لب کھُلیں تو ترنم پہ لکھوں

نہ ہو فاش اگر رازِ تقدیرِ آدم
خطِ نسخ میں عشق گندم پہ لکھوں

نشے میں ہوں راحیلؔ اور چاہتا ہوں
غزل اٹھ کے یہ گردنِ خُم پہ لکھوں

راحیلؔ فاروق

پنجاب (پاکستان) سے تعلق رکھنے والے اردو شاعر۔

یہ کلام اپنے دوست احباب سے شریک کیجیے
Share on facebook
Share on twitter
Share on pinterest
Share on reddit
Share on linkedin
Share on whatsapp
Share on telegram
Share on email
لطفِ سخن کچھ اس سے زیادہ

ہم روایت شکن روایت ساز

پر

خوش آمدید!

باتیں ہماری یاد رہیں گی۔۔۔

تنبیہ