جواں بخت کو نیک اختر مبارک

اردو شاعری

میرے بھائی، میرے محسن، میرے مربی، محمد احمدؔ کے لیے!

جواں بخت کو نیک اختر مبارک
مبارک مبارک مکرر مبارک

نیا ہی رہے یہ نیا رشتہ دائم
نئی زندگی اور نیا گھر مبارک

ہوئے دل کے ویرانے آباد آخر
محبت کی مسجد کو دو سر مبارک

معیت میں عزت رفاقت میں الفت
تبرک تبرک سے بڑھ کر مبارک

خدا پاس لایا خدا ساتھ رکھے
دلِ منتظر کو ہو دلبر مبارک

جو دل میں ہے راحیلؔ لب پر نہ کیوں ہو
سراسر مبارک برابر مبارک​

راحیلؔ فاروق

پنجاب (پاکستان) سے تعلق رکھنے والے اردو شاعر۔

یہ کلام اپنے دوست احباب سے شریک کیجیے
Share on facebook
Share on twitter
Share on pinterest
Share on reddit
Share on linkedin
Share on whatsapp
Share on telegram
Share on email
لطفِ سخن کچھ اس سے زیادہ

ہم روایت شکن روایت ساز

پر

خوش آمدید!

باتیں ہماری یاد رہیں گی۔۔۔

تنبیہ