فرمائیں تم سے عشق تو نیکی کمائیں کیا

اردو شاعری

فرمائیں تم سے عشق تو نیکی کمائیں کیا
دنیا میں مل گئے ہو تو جنت میں جائیں کیا

ہو جب زمانہ حسن کا ایمان سے کہو
عاشق مزاج لوگ زمانے سے پائیں کیا

فرقت کے روز و شب کی کہانی نہ چھیڑیے
یہ لازوال دکھ ہے سنیں کیا سنائیں کیا

اچھی ہوئی بری ہوئی ہونی تو ہو گئی
اب کیا کریں خدا کو کٹہرے میں لائیں کیا

مرنے کو اِس گلی میں بلایا گیا ہمیں
راحیلؔ اگر بلائے نہ جائیں تو آئیں کیا

راحیلؔ فاروق

پنجاب (پاکستان) سے تعلق رکھنے والے اردو شاعر۔

یہ کلام اپنے دوست احباب سے شریک کیجیے
Share on facebook
Share on twitter
Share on pinterest
Share on reddit
Share on linkedin
Share on whatsapp
Share on telegram
Share on email
لطفِ سخن کچھ اس سے زیادہ