کون سا شعر انتخاب نہیں

اردو شاعری

کون سا شعر انتخاب نہیں
کس غزل میں بھلا جناب نہیں

عشق کا کوئی سدِّ باب نہیں
ہم یونہی خانماں خراب نہیں

دل میں پہلے سے پیچ و تاب نہیں
تم نہیں یا اب اضطراب نہیں

جو ہے مخمور سو نہیں واقف
زندگی مفت کی شراب نہیں

ان کے وعدے تو خیر مت پوچھو
دلِ خوش فہم کا جواب نہیں

یہ بھی منزل نہیں سراب سہی
سوچ پھر سوچ کیا سراب نہیں

نیکیاں گن کے کیا کرے گا کوئی
جب گناہوں کا کچھ حساب نہیں

وہ جو حائل ہے تیرے میرے بیچ
دیکھ میں ہی تو وہ حجاب نہیں

ہائے یہ اختصار کا عالم
زندگی لفظ ہے کتاب نہیں

کیا محبت کو روئیے راحیلؔ
اس میں کوئی بھی کامیاب نہیں

راحیلؔ فاروق

پنجاب (پاکستان) سے تعلق رکھنے والے اردو شاعر۔

یہ کلام اپنے دوست احباب سے شریک کیجیے
Share on facebook
Share on twitter
Share on pinterest
Share on reddit
Share on linkedin
Share on whatsapp
Share on telegram
Share on email
لطفِ سخن کچھ اس سے زیادہ

ہم روایت شکن روایت ساز

پر

خوش آمدید!

باتیں ہماری یاد رہیں گی۔۔۔

تنبیہ