کہانی کہانی کے پردے میں ہے
جو ہے رائگانی کے پردے میں ہے
ازل تا ابد دیکھ آئی نگاہ
وہی جاودانی کے پردے میں ہے
مجھے زندگانی سے کیا چاہیے
کہ تو زندگانی کے پردے میں ہے
بڑھاپے میں عریانیاں دیکھنا
محبت جوانی کے پردے میں ہے
عبادت سے کم یاریاں تو نہیں
کوئی یارِ جانی کے پردے میں ہے
معانی حقیقت نہیں ہیں حضور
حقیقت معانی کے پردے میں ہے
کسی خوش ادا کی ادا جانیے
جو اس خوش بیانی کے پردے میں ہے
ستم گر ہیں راحیلؔ پر مہربان
ستم مہربانی کے پردے میں ہے
پنجاب (پاکستان) سے تعلق رکھنے والے اردو شاعر۔
راحیلؔ فاروق کی شاعری۔ غزلیات، رباعیات، آزاد، معریٰ اور پابند نظمیں، دوہے، قطعات۔۔۔ سرگشتۂ خمارِ رسوم و قیود!
اردو گاہ کے مندرجات لفظاً یا معناً اکثر کتب، جرائد، مقالات اور مضامین وغیرہ میں بلاحوالہ نقل کیے جاتے ہیں۔ اگر آپ کسی مراسلے کی اصلیت و اولیت کی بابت تردد کا شکار ہیں تو براہِ کرم اس کی تاریخِ اشاعت ملاحظہ فرمائیے۔ توثیق کے لیے web.archive.org سے بھی رجوع لایا جا سکتا ہے۔
