سبا ویراں

تحت اللفظ

سلیماں سر بزانو اور سبا ویراں
سبا ویراں سبا آسیب کا مسکن
سبا آلام کا انبارِ بے پایاں

گیاہ و سبزہ و گل سے جہاں خالی
ہوائیں تشنۂ باراں
طیور اس دشت کے منقار زیرِ پر
تو سرمہ در گلو انساں

سلیماں سر بزانو اور سبا ویراں

سلیماں سر بزانو ترش رو غمگیں پریشاں مو
جہانگیری جہانبانی فقط طرارۂ آہو
محبت شعلۂ پراں ہوس بوئے گلِ بے بو
ز راز دہر کمتر گو

سبا ویراں کہ اب تک اس زمیں پر ہیں
کسی عیار کے غارت گروں کے نقشِ پا باقی
سبا باقی نہ مہروئے سبا باقی

سلیماں سر بزانو
اب کہاں سے قاصدِ فرخندہ پے آئے
کہاں سے کس سبو سے کاسۂ پیری میں مے آئے

یہ پیشکش اپنے دوست احباب سے شریک کیجیے
Share on facebook
Share on twitter
Share on pinterest
Share on reddit
Share on linkedin
Share on whatsapp
Share on telegram
Share on email
لطفِ سخن کچھ اس سے زیادہ

خوش آمدید۔ آپ کی یہاں موجودگی کا مطلب ہے کہ آپ کو اردو گاہ کے جملہ قواعد و ضوابط سے اتفاق ہے۔ تشریف آوری کا شکریہ!