غمِ دوراں سے دور بیٹھا ہوں

28 دسمبر 2010 ء

غمِ  دوراں  سے  دور  بیٹھا  ہوں
تیرے  غم  کے حضور بیٹھا  ہوں

ابھی محفل پہ اپنے بھید نہ کھول
ابھی  میں  بے  شعور بیٹھا  ہوں

میں نے مانگی نہیں نظر کی بھیک
اس  گلی  میں  ضرور  بیٹھا  ہوں

پھر  ہیں  بینائیوں  کو  وہم  بہت
پھر   سرِ  کوہِ   طور  بیٹھا   ہوں

مجھے  کوئی  مرض  نہیں  راحیلؔ
آرزوؤں  سے  چور  بیٹھا   ہوں

راحیلؔ فاروق

پنجاب (پاکستان) سے تعلق رکھنے والے اردو شاعر۔

یہ کلام اپنے دوست احباب سے شریک کیجیے
Share on facebook
Share on twitter
Share on pinterest
Share on reddit
Share on linkedin
Share on whatsapp
Share on telegram
Share on email
لطفِ سخن کچھ اس سے زیادہ

خوش آمدید۔ آپ کی یہاں موجودگی کا مطلب ہے کہ آپ کو اردو گاہ کے جملہ قواعد و ضوابط سے اتفاق ہے۔ تشریف آوری کا شکریہ!