نہ گدا آستاں سے اٹھتا ہے

اردو شاعری

نہ گدا آستاں سے اٹھتا ہے​
نہ ستم نیم جاں سے اٹھتا ہے​

نالہ اٹھتا ہے اٹھ نہیں سکتا​
جب دلِ ناتواں سے اٹھتا ہے​

ہے قفس مدفنِ ہزار الم​
کب یہ بوجھ آشیاں سے اٹھتا ہے​

​کارواں دل کا اور ہے ظالم​
یہ غبار آسماں سے اٹھتا ہے​

ہو چکا راکھ دل تو مدت سے​
"یہ دھواں سا کہاں سے اٹھتا ہے”

آخرِ کار اٹھ گیا راحیلؔ
غیر کب درمیاں سے اٹھتا ہے

راحیلؔ فاروق

پنجاب (پاکستان) سے تعلق رکھنے والے اردو شاعر۔

یہ کلام اپنے دوست احباب سے شریک کیجیے
Share on facebook
Share on twitter
Share on pinterest
Share on reddit
Share on linkedin
Share on whatsapp
Share on telegram
Share on email
لطفِ سخن کچھ اس سے زیادہ