دل پہ جو گزری کوئی کیا جانے
یہ تو ہم جانیں یا خدا جانے
خاک جھیلے گا وہ مصیبتِ عشق
جو لگا کر نہ پھر بجھا جانے
تو ہی اپنا مقام جانتا ہے
اک ظلوم و جہول کیا جانے
کیا کرے عرضِ مدعا وہ بشر
ابتدا کو جو انتہا جانے
بادہ نوشوں کا حشر کیا ہوگا
مجھ بلانوش کی بلا جانے
بات رندی کی مجھ کو آتی ہے
پارسائی کی پارسا جانے
تجھ کو اپنی خبر نہیں اے جوشؔ
تو خدائی کے راز کیا جانے
صوتی ادب۔ اردو کی کلاسیک غزلیں، نظمیں اور نثر پارے راحیلؔ فاروق کی آواز میں سنیے۔ دل آویز نقاشی اور پس پردہ موسیقی کے ساتھ!
اردو گاہ کے مندرجات لفظاً یا معناً اکثر کتب، جرائد، مقالات اور مضامین وغیرہ میں بلاحوالہ نقل کیے جاتے ہیں۔ اگر آپ کسی مراسلے کی اصلیت و اولیت کی بابت تردد کا شکار ہیں تو براہِ کرم اس کی تاریخِ اشاعت ملاحظہ فرمائیے۔ توثیق کے لیے web.archive.org سے بھی رجوع لایا جا سکتا ہے۔
