تھے ہم استادہ ترے در پہ ولے بیٹھ گئے
تو نے چاہا تھا کہ ٹالے نہ ٹلے بیٹھ گئے
غیر بدوضع ہیں محفل سے شتاب ان کی اٹھو
پاس ایسوں کے تم اے جان بھلے بیٹھ گئے
گھر سے نکلا نہ تو اور منتظروں نے تیرے
در پہ نالے کیے اتنے کہ گلے بیٹھ گئے
ناتواں ہم ہوئے یاں تک کہ تری محفل تک
گھر سے آتے ہوئے سو بار چلے بیٹھ گئے
اشک اور آہ کی شدت نہ تھمی گرچہ بقاؔ
گھر کے گھر اس میں ہزاروں کے جلے بیٹھ گئے
صوتی ادب۔ اردو کی کلاسیک غزلیں، نظمیں اور نثر پارے راحیلؔ فاروق کی آواز میں سنیے۔ دل آویز نقاشی اور پس پردہ موسیقی کے ساتھ!
اردو گاہ کے مندرجات لفظاً یا معناً اکثر کتب، جرائد، مقالات اور مضامین وغیرہ میں بلاحوالہ نقل کیے جاتے ہیں۔ اگر آپ کسی مراسلے کی اصلیت و اولیت کی بابت تردد کا شکار ہیں تو براہِ کرم اس کی تاریخِ اشاعت ملاحظہ فرمائیے۔ توثیق کے لیے web.archive.org سے بھی رجوع لایا جا سکتا ہے۔
