سب مجرم کے درپے ہیں۔ حیرت ہے کہ قانون بھی اس کے والدین سے نہیں پوچھنا چاہتا کہ بزرگو، خدا نے آپ کو ایک موم کا گڈا دیا تھا۔ آپ نے اسے سنگین درندہ کیسے اور کیوں بنا دیا؟
ہماری رائے میں ہر مجرم کے والدین کو کم از کم برابر کی سزا ہونی چاہیے۔ وہ دراصل جرم کے ماں باپ ہیں۔
پانچ اور چھ سال کے دو بچوں کے بستے اٹھا کر دو گلیاں چلنے کا اتفاق ہوا۔ کمر دہری ہو گئی۔ ہمارا تعلیمی نظام انسانوں کو اتنی کامیابی سے گدھا بنا رہا ہے کہ میں یہ حقیقت ان بچوں کے ماں باپ تک کو نہیں سمجھا سکتا۔
راحیلؔ فاروق
- کیفیت نامہ
- 29 جون 2021ء
- ربط