گھمنڈی ماں

ماؤں کی شیخیاں بھی کتنی پیاری ہوتی ہیں۔

"میرے گلو نے بی اے کر لیا اے۔ کہندا اے امی میں ہن افسر لگ کے تینوں حج کراواں گا۔”

"میرے ننھے دیاں وی مچھاں نکل آئیاں نیں۔ اینا سوہنڑا لگدا اے کی دساں۔ ارہاں آ وے ننھیا، چاچی آئی اے۔”

"میری مانو دا ہاسٹل بڑا چنگا اے۔ ایڈی خوش اے۔ کہندی سی بے بے میرا وزن یارہ کلو ودھ گیا اے۔ روون آلی ہوئی سی۔ میں کہیا چلو چنگا اے۔ تھوڑی ہور موٹی ہو لے فیر کوئی ہور ہاسٹل لبھاں گے۔”

"میرا بالی وی نوکری لگ گیا اے۔ پینٹ شرٹ پا کے جاندا اے۔ اودا ابا ایڈا خوش ای نچدا پھردا اے۔”

دیکھا آپ نے۔ ماں خود کہیں بھی نہیں ہے۔ دور تک نہیں۔ خود اپنی باتوں میں نہیں ہے۔ اگر ہے تو ماں کے بچے۔ رابعہ بصری کو لوگ آدھی قلندر کہتے ہیں۔ میں کہتا ہوں بچوں میں فنا ہوئی ہوئی ماں ڈیڑھ قلندر ہوتی ہے۔ نفیِ ذات اور کسے کہتے ہیں؟

رانجھا رانجھا کردی نی میں آپے رانجھا ہوئی

ماں کی ڈگریاں ایک طرف۔ تجربہ ایک طرف۔ زندگی کی صعوبتیں اور تکلیفیں ایک طرف۔ خود اپنا آپ ایک طرف۔ ماں اپنا سرمایہ اگر کچھ سمجھتی ہے تو بچے۔ انھی کا فخر ہے۔ انھی کا مان ہے۔ انھی کا گھمنڈ ہے۔ انھی کی آس ہے۔

عرب کہتے ہیں بچے کے لیے ماں سے بڑا مجنوں کوئی نہیں ہوتا۔ کتنی عجیب بات ہے کہ ہم پھر بھی محبت کو ترستے رہتے ہیں۔

راحیلؔ فاروق

راحیلؔ فاروق

راحیلؔ فاروق پاکستانی پنجاب سے تعلق رکھنے والے اردو ادیب ہیں۔

فہرستِ منثورات
یہ نگارش اپنے دوست احباب سے شریک کیجیے
Share on facebook
Share on twitter
Share on whatsapp
Share on telegram
Share on email
لطفِ سخن کچھ اس سے زیادہ

”گھمنڈی ماں“ پر 2 عدد تبصرے

آپ کیا فرماتے ہیں بیچ اس مراسلے کے؟