آب زلال

اِسمِ مُذکّر
مدالقاموس میں مادّہ زُلال کا زلّ قرار دیا ہے۔۔(فرہنگ نویسیوں نے لِکھا ہے کہ زُلال ایک کِرے کا نام ہے۔ جو برف میں پیدا پوتا پے اور مِقدار میں وہ اُنگلی سے زِیادہ نہیں ہوتا۔ یہ کیڑا بہت کم چلتا ہے ور کم حرکت کرتا ہے۔ چونکہ عرب میں پانی کا کال ہے اس کے سبب سے اکثر عرب میں جب اِن کے ہاتھ یہ کیڑا لگتا ہے تو اس کو نچوڑ کر حلق سے اُتار جاتے ہیں اور بڑی تعریف کرتے ہیں کہ اس بہتر کِسی پانی میں یہ خُنکی اور شیرینی نہیں پائی جاتی۔ مجازًا ہر ایک ٹھنڈے اور میٹھے پانی پر اس اطلاق ہوتا ہے۔ جناب لین صاحب مؤلف مدالقاموس نے لِکھا ہے کہ زلال ایک چھوٹے سے خاص جانور کا نام ہے جِسکی رنّگت سفید ہوتی ہے۔ جب وہ مر جاتا ہے تو اُسے پانی میں ڈال دیتے ہیں اور اس کی تاثیر سے پانی ٹھنڈا ہوجاتا ہے۔ یہی مصنّف ارسطو کے حوالے سے ہمارے اس بیان کی بھی تصدیق کرتا ہے جو ہم نے اُوپر لِکھا ہے کہ اُس کا ایک اُنگلی کے برابر قد ہوتا ہے۔ اور اُس کے جِسم پر زرد زرد دھبّے ہوتے ہیں)۔۔ ۱۔ صاف اور شفاف پانی۔ نِر ملجل۔ نِتھرا ہؤا پانی۔ نسوکھ پانی۔ نِسوت پانی۔ کِسی دوائی کا عرق جو صِرف نِتھارا جاوے۔۔ ۲۔ نہایت میٹھا اور شیریں پانی۔ ٹھنّڈا پانی۔ خُوشگوار پانی۔ صِحّت بخش پانی۔۔