وہ خاص وزن جو عروض کے طے شدہ قواعد کے مطابق مقرر کیا گیا ہو۔
مثلاً بحرِ ہزج مثمن سالم یہ ہے:
مفاعیلن مفاعیلن مفاعیلن مفاعیلن
ہر بحر ایک وزن رکھتی ہے مگر ہر وزن کے لیے اصولی طور پر لازم نہیں کہ وہ کسی بحر میں بھی پایا جائے۔ عملی طور پر البتہ اکثر اوزان کو بحورِ نوزدگانہ میں سے کسی ایک یا زیادہ بحروں سے استخراج کرنا ممکن ہے۔
بحورِ نوزدگانہ وہ مشہور سالم بحریں ہیں جو اردو کو عربی اور فارسی سے ورثے میں ملی ہیں۔ ان پر زحافات کے عمل سے بہت سی مزاحف بحریں بھی حاصل کی گئی ہیں۔
