اے دل پکارتے ہیں وہ نامِ خدا مجھے

اردو شاعری

اے دل پکارتے ہیں وہ نامِ خدا مجھے
خانہ خراب ڈھونڈ نہیں لے کے آ مجھے

پوچھا نہ تھا کہ بھول گیا ماجرا مجھے
میں ان سے پوچھتا ہوں کہ کیا ہو گیا مجھے

آوارگی کا شوق تو پہلے بھی تھا مجھے
بھولا نہ تھا مگر کبھی گھر کا پتا مجھے

پرتو پڑا ہے آئنے پر آفتاب کا
میں دیکھتا ہوں اس کو کوئی دیکھتا مجھے

یوں کھو گیا ہوں میں کہ وہی ہو گیا ہوں میں
اب ڈھونڈتی پھریں گی فنا اور بقا مجھے

بخشش کی سوجھتی ہے خطا دیکھ کر انھیں
بخشش سے بھی عزیز ہے میری خطا مجھے

اتنے کرم جناب کے بن مانگے ہو گئے
مانگی تو مانگنی ہی نہ آئی دعا مجھے

رازِ وفا کا آپ نگہبان ہے وہ حسن
جس نے زبان چھین کے دل دے دیا مجھے

راحیلؔ دوسروں کی کمی تو نہیں مگر
اس ایک کا ملا ہی نہیں دوسرا مجھے

راحیلؔ فاروق

پنجاب (پاکستان) سے تعلق رکھنے والے اردو شاعر۔

یہ کلام اپنے دوست احباب سے شریک کیجیے
Share on facebook
Share on twitter
Share on pinterest
Share on reddit
Share on linkedin
Share on whatsapp
Share on telegram
Share on email
لطفِ سخن کچھ اس سے زیادہ

ہم روایت شکن روایت ساز

پر

خوش آمدید!

باتیں ہماری یاد رہیں گی۔۔۔

تنبیہ