یہ بات بات پہ بندوق تاننے والے

یہ بات بات پہ بندوق تاننے والے
نبیؐ کو جانتے بھی ہیں یہ ماننے والے؟

تمھارے شہر میں کیوں خوش لباس ہو گئے لوگ؟
نظر سے گر گئے کیا خاک چھاننے والے؟

سمندروں کو پلٹ کر نہ دیکھتے، اے کاش
ہم ایک بوند سے دامن کو ساننے والے

زہے نصیب! کہ ہوں آپ سے ملاقاتیں
پھر آ گئے ہیں نہ آنے کی ٹھاننے والے

خدا سے کیا جہلا کو ہے واسطہ راحیلؔ
اسے تو مانتے بھی ہیں تو جاننے والے!​

راحیلؔ فاروق

راحیلؔ فاروق

راحیلؔ فاروق پاکستانی پنجاب سے تعلق رکھنے والے اردو شاعر ہیں۔

فہرستِ کلام
یہ کلام اپنے دوست احباب سے شریک کیجیے
Share on facebook
Share on twitter
Share on whatsapp
Share on telegram
Share on email
لطفِ سخن کچھ اس سے زیادہ

”یہ بات بات پہ بندوق تاننے والے“ پر 1 عدد تبصرہ

آپ کیا فرماتے ہیں بیچ اس مراسلے کے؟