کون سمجھے گا عاشقی کیا ہے

4 جنوری 2011 ء

کون سمجھے گا عاشقی کیا ہے
عاشقوں کی بساط ہی کیا ہے

میں نہیں ہوں تو کون شاعر ہے
تو نہیں ہے تو شاعری کیا ہے

تیرگی کا کوئی وجود نہیں
نور غائب ہے تیرگی کیا ہے

ہاں بھی ردِ عمل، نہیں بھی ردِ عمل
یہ تو ہستی ہے نیستی کیا ہے

لوگ راحیلؔ اختلاف کریں
یہ تو سمجھیں کہ بات کی کیا ہے

راحیلؔ فاروق

پنجاب (پاکستان) سے تعلق رکھنے والے اردو شاعر۔

یہ کلام اپنے دوست احباب سے شریک کیجیے
Share on facebook
Share on twitter
Share on pinterest
Share on reddit
Share on linkedin
Share on whatsapp
Share on telegram
Share on email
لطفِ سخن کچھ اس سے زیادہ
عید مبارک - اردو گاہ

خوش آمدید۔ آپ کی یہاں موجودگی کا مطلب ہے کہ آپ کو اردو گاہ کے جملہ قواعد و ضوابط سے اتفاق ہے۔ تشریف آوری کا شکریہ!