منزلِ عشق تک نہ چاہ نہ راہ
چل مگر کارساز ہے اللہ
وہ پڑے ہیں لغت دھرے کے دھرے
کر گئی کام بے زبانئِ آہ
اہلِ دل زلزلوں کی زد میں جیے
تمھیں لرزا گئی فقط افواہ
نہ ہوا چین لمحہ بھر کو نصیب
دل ہے دنیا میں نعمتِ ناگاہ
پردے میں تھی ضمیرِ فن کی موت
نہ کوئی حادثہ نہ کوئی گواہ
کر تو جائیں گے زندگی راحیلؔ
دل کے تیور مگر خدا کی پناہ
پنجاب (پاکستان) سے تعلق رکھنے والے اردو شاعر۔
راحیلؔ فاروق کی شاعری۔ غزلیات، رباعیات، آزاد، معریٰ اور پابند نظمیں، دوہے، قطعات۔۔۔ سرگشتۂ خمارِ رسوم و قیود!
اردو گاہ کے مندرجات لفظاً یا معناً اکثر کتب، جرائد، مقالات اور مضامین وغیرہ میں بلاحوالہ نقل کیے جاتے ہیں۔ اگر آپ کسی مراسلے کی اصلیت و اولیت کی بابت تردد کا شکار ہیں تو براہِ کرم اس کی تاریخِ اشاعت ملاحظہ فرمائیے۔ توثیق کے لیے web.archive.org سے بھی رجوع لایا جا سکتا ہے۔