نہ ہوئی چارہ گری دنیا میں
ہم بھی تنہا تھے بھری دنیا میں
تیری اقلیم سرِ عرشِ بریں
میری شوریدہ سری دنیا میں
سبھی کھوٹے ہیں عمل کے سکے
ایک تقدیر کھری دنیا میں
نہ کسی کام کی دنیا اے گل!
نہ کوئی دیدہ وری دنیا میں
کتنی دشوار ہے، کتنی دشوار!
ایک یہ خود نگری دنیا میں
غنچۂ دل کو سہارے راحیلؔ
ہے کوئی شاخ ہری دنیا میں؟
پنجاب (پاکستان) سے تعلق رکھنے والے اردو شاعر۔
اردو کتاب۔ راحیلؔ فاروق کا پہلا مجموعۂ کلام۔ ایک فارسی اور ساٹھ اردو غزلیات پر مشتمل مختصر دیوان۔ مطبوعہ ۲۰۱۰ء۔
اردو گاہ کے مندرجات لفظاً یا معناً اکثر کتب، جرائد، مقالات اور مضامین وغیرہ میں بلاحوالہ نقل کیے جاتے ہیں۔ اگر آپ کسی مراسلے کی اصلیت و اولیت کی بابت تردد کا شکار ہیں تو براہِ کرم اس کی تاریخِ اشاعت ملاحظہ فرمائیے۔ توثیق کے لیے web.archive.org سے بھی رجوع لایا جا سکتا ہے۔
